Albêrti, Guîdo

Giocatore – Mezzala
Nato a San Giorgio di Piano il 14-5-1897
Esordio in campionato: 3-11-1912, Volontari Venezia-Bologna 4-1

 Fradèl pió grand ed Zaiṡer al canpiån, al żûga infén da cinén int al Bulåggna e al fa capîr d èser un sugèt con di cûlp brîṡa mèl, a żughèr da mediàn o d banda manzéṅna, mo anc al’èla o mezèla (da atacànt insåmma). Ṡvêlt, rubósst, sänza pòra a scatèr e par żónta con un bèl tîr in pôrta, al finé in mèż a cal mazèl dla Prémma Guèra. Dåpp a un perîod trancuéll al frånt, al muré in secånnda linnéa, al Ṡbdèl ed Pèdva dal 1918, d ónna e cäl malatî virèli ch’äl fénn un ṡbandêren ed mûrt int i ûltum mîṡ ed guèra. Anca ló a 21 ân, cunpâgna al capitarà pió tèrd, dal ’26, a sô fradèl, al pôver Zaiṡer.